وانى اكتفيت

قالوا لنا ما فات مات ضلوا وكذبوا لم يمت !! 

فالقلبُ يحيا فى شَتات 

والنبض يَهذى إن صَمت 

 عَينايا تدمعُ فى سُبات

 إثر الفراق وقد عَمت 

 ولسان عشقى قد خبى

 وحروفُ اسمك لُجمت 

 مابال قلبك فى ثبات وجذور

 عشقى قد نَمت

  فرضيتُ بعضاً من فُتات 

وانا التى قد أَغدَقت 

 قد كان ضعفى قاضيا 

وحياتى بَعْدَكَ أُعدمت

 تباً لمن سَمِعَ الوَغى

 ليتَ القلوبُ تكتمت  

لِساك عايش  !!!! 

لا مُتعايش … 

وكل حكايتى  متر قماش  حِته اعملها  يَدوب جَلابيه تِكفى العمر  عشان يتعاش 

 وبلاش تعمل  فيها سَياله  لزمته ايه 

 شيلها مَيِجراش 

 تقليد اعمى سَاكن ومِعشش

 دَ احنا يا عمى  من الاوباش 

وزود حته لِمَرتى بَهانه 

حَاكِم الست متتعراش 

 واياك تِهدر وانت بِتقطع لجل ما يفضل شىء يتحاش

  اصل الارض ف عُرفنا ثَابته

  واللى يقول غير كده حَشاش

 عندنا عيد خَباز

 حتتنا بِينقش شمس ب ١٠٠ منقاش 

وسَحابه شايل جُواه مَيه

 واوعى تقول خَباز غَشاش 

 اصل الزرعه بِتحتاج رَيه ونيل حتتنا خلاص اتحاش 

 وعم حماده راسم ع الحيطه حُوش بِورود 

 وكَمان فَراش  وفصل يعلم من غير زيطه 

 اصل العلم حَدانا ببلاش

  بعد ما صَار حِكر و سبوبه وكله عشان سيدنا الهباش

 وقطر حياتنا يِدوس ما بيرحم اكسبريس لا قول قشاش 

 عَمال يسرق حلم عِيالنا يهبش منا 

و لا خدناش موت بالجُمله وعِيشه مَذله

 واهالى بَايته فى الانعاش 

 واللى هايفضل م الجلابيه

 حبه قطن ولفه شاش 

أيا زَائِرِ

 وكُلُ الخَلائِقِ إِنْنى أَعْدَدتُ بعضاً من كَفَن 

 لا تَزْدَري أَمَلى ببعضِ مَخاوفى

 بعضُ الأمل لا يُؤتَمن 

هل هَزْنِى صَمتُ القبورِ

 المُحْتَفِى ببعضِ لحمِ قد نَتِن ؟؟

 ما هَمني!!

 إن كنتَ طُعمَ لزاحفِ

 أو أنَ عظمى قد وَهَن

 جَلَ الحَكِي حين يُقَال هيا اجْلسِ 

وسؤال ربك من يَكُن  ومحمدُ. !! 

بأبى و امى و سَيدى رسولُ ربى المؤتمنَ 

انتِ خاينه 

ايوه انتِ

 انتِ خاينه دى الخيانه عشان عيونك بُكره تبقى احلى مهنه 

   و لما هاامشى و يجى غيرى ها تعمليله فرح و حنه

 جَيه اسفه ؟

 بعد ايه وانت سايبه نار ف قلبى

  بِالف جرح والف طعنه 

اوعى يوم تكونى فاكره فى بُعدى عنك راح اموت 

لا حبيبتى انتِ واهمه 

 اهو حب عدى وراح يفوت

 انا كنت شايفك

 دُور وكرت وبعدك انتِ كتير كُروت

 لو عمرى كان معاكِ جنه دلوقتى حاسه سجين تابوت

 خلاص وصلنا من غير وداع 

 ولا حتى دمعه

 واوعى قلبك يقول لعقلك  

ان فى ف الحب هُدنه 

 اسف حبيبتى و بعتذر لك وانتِ لازم تبقى اسفه

 كل واحد فيكِ حب

 عامله له فى القلب رُكنه 

ده بصورته وده بصوته وده ف ملامحه لسه ساكنه

 وده بيكتب فيكِ شعر

 و ده يشوفك حياه وجنه 

 واللى شايفك كالملاك واللى عايشك نار ولعنه

 واللى يدعى تكونى ليه ف كل فرض وكل سُنه

 واللى واقف جنب بابك نفسه منك حتى رنه 

واللى حافظ رسم قدك

 واللى بايع بكره لاجلك 

واللى عاشق كل حَسَنه

 لو كان فى يوم للقلب وش لقلبك

انتِ الف سِحنه

 انتِ خاينه  

هامَ القلبُ فيك

 عشقاً 

والان قد اكتفيت،،

 فاستحالَ الحبُ ضعفاً ليتنى يوماً أَبيت،، 

حينَ ضاع العمرَ قهراً وبالدمعِ مِراراً بكيت ،،

 فتوجست منكَ خوفاً و لِقربك ما ارتضيت ،،

 كنتُ من يرجوك أُنساً  لكنى بِحبك أُذيت،،

 أَقسمتُ قَسمَ الصالحينَ و اليوم أَرانى عَصيت ،، 

دعنى و شأنى كله ُ ولا تُجبْ ولو دُعيت ،،

 فَحُبى لا يقتاتُ البقايا فَأنا بقلبك قد بُليت،، 

#يمنى_فاضل 

ومضات شعرية من كتاب وانى اكتفيت

للشاعرة يمنى فاضل