حكايات ديدى - 7
_صباح الخير يا استاذة ديدى
_هاى .. جود مورنينج مستر شريف
_هو حضرتك ليكى فترة مش باينة لعل المانع خير يا ست الكل يا كيداهم
_اوووووه نوووووو يو طونت نوو ..
_ لا والله العظيم .. انا لو اعرف اقول
_اوه ماى جاش .. انا كنت في أمريكا
_امريكا حتة واحدة .. لعله خير
_اهاااا .. كنت باخد كورس في الامريكان اكسنت
_بس انا لسه شايفك من اسبوعين
_اهااااا ..ما هو انا سافرت بعد ما شفتنى على طول
_ بسم الله ماشاء الله.. ولحقتى
_اهاااا .. شور ماى دير .. شور انديييد
_ انا كمستر شريف منبهر
_واااااى يو دونت نووو هاو انا سمارت
_لا دى انا عارفها كويس
_ سووووو وات
_لا هو سؤال واحد بس قبل ما اقولك سووووو وات
_ اهااا .. _ هو ما فيش حد هنا في مصر ممكن يعلمك الأمريكان اكسنت دىمن غير ما تسافرى وتتشحططى
_لا طبعا .. ما فيش
_ولا حتى مستر حكشة
_اوووه ماى جاااش مين مستر حكشة دا كمان
_مستر حكشة احسن واحد بيتكلم انجليزى دا حتى لسه راجع من بعثة ٣ سنين قضاهم في مركز السنبلاوين
_ نوووو اى دونت نو هم خالص مالص
_اوووه نووووو هو انا ما قلت لكيشمش انا ساكن في الحبيل نجع ابورجيلة وبيتى لازق في بيت مستر حكشة وكنت شايفاك وانتى رايحة جاية من عنده
_اهلا بالدكتورة .. نورتى المتحف والله
_دا نورك يا حاج
_طيب مش كنتى تقولى
_اقول ايه مش فاهمة
_تقولى انك جاية تزورينا النهاردة واحنا نفرش لك الأرض رمله
_لا ما فيش داعى والله
_ازاى الكلام دا .. طيب نرش لك الجنينة ميه
_ بدل المية والرملة والربراب ابقوا شوفوا حد ينفض فرشه المرحوم
_عجباكى صورة المرحوم كارتر
_اه حلوة فيها شبه منه .. تصدق
_طيب شايفة البرنيطة إللى على دماغه
_شايفاها .. خير اللهم اجعله خير
_اهى البرنيطة إللى على دماغه دى لسه متعلقة على الحيطة جوا
_شوف ازاى ..
_ايه يا دكتورة .. هو انتى مش مصدقانى ولا ايه
_بلاش اقولك هما جايبنها منين
_ بس قولى انتى للزباين الحكاية دىوسيبينا نسترزق ..
_ايه الرزق في انك تقول لناس جايةتشوف متحف في مقتنيات شخصية ان المقتنيات دى اصليه ..ما هو دا المفروض يكون الطبيعى يعنىولا عاوزانى اقولهم اننا بنضحك عليهم
وان أغلب الحاجات دى مضروبة وحد اشتراهم من واحد غاوى قديم
_هو الواحد ما يهزرش معاكى أبدا
_خليهم بقي ياخدوا لهم صورة على مكتب المرحوم والمنشة في ايدهم
_حنبقي نشوف ..
_طيب قعديهم على السرير
_مش عاوزنى ادخلهم ياخدوا دشفي الحمام الليسكيو بتاع المرحوم
_لا مش للدرجة دى طبعا
_ انت واخد الست ورايح بيها على فين
_باوريها أوضة الكلب بتاع المرحوم
_اللهم طولك يا روووح
_في ايه يا ست متزرزة علينا كدا ليه ما تسيبنا نسترزق بما يرضى الله
_ولو ما سيبتكش تسترزق .. حتبوظ الزيارة طبعا بما لا يرضى الله
_هو انا عملت حاجة ..
_كل دا وما عملتش حاجة ... باقولك ايه معاك مفتاح المقبرة
_اه طبعا معايا ..
_طيب دخلهم المقبرة لو سمحت
_من عنيا طبعا ..
_انت يا حاج ليك ساعتين في المقبرة
_الحقى يا ست الكل زباينك بيصورواوزى ما انتى عارفة التصوير جوا ممنوع
_شوف ازاى .. ولما هو التصوير ممنوعسايبهم بيصوروا ليه
_ما هو .. اصلى..
_ولا يهمك انا بس جيت ابلغك ان في اتوبيس واقف قدام المتحف ومحدش هناك
_طيب والزباين إللى في المقبرة
_هى الزباين حتطير .. الحق بس بتوع الاتوبيس اهم
_عندك حق يا دكتورة**********
_انتوا بتصوروا هنا ليه انتوا مش عارفين انه ممنوع
_احنا مكناش عاوزين نصور الغفير هو إللى قالنا نصور عادى
_طيب فهمت .. غالبا هو كان عاوز ياخد تمن الصور
_بس احنا مكناش عاوزين نصور
_طيب هو دلوقتى مشغول مع ناس قوموا بينا يلا نهرب بسرعة
_وقفت ليه يا عم سعيد
_ايه يا ست الكل .. يا دكتورة مش شايفة الراجل المجنون دا واقف ومتصدر قدام العربية ازاى
_عاوز ايه يا جدع أنت ،، وواقف لنا قدام العربية كدا ليه عاوزين نعدى .. ورانا شغل
_احنا بنلم تبرعات علشان نبنى الجامع إللى هناك دا
_هو إللى يلم تبرعات يسد الطريق كدا
_يعنى انتى عاوزانى اعمل ايه
_ما تعملش حاجة .. عاوزاك تعدينا وما تتقفلش الطريق
_طيب هاتى التبرع بتاعك وانا اعديكى
_ كدا ما بقاش اسمها تبرعات ..
_ اومال اسمها ايه ؟
_اسمها استنطاع .. إجبار .. اكراه اى حاجة غير تبرعات ..
_براحتك بس مش حتعدى برضه
_طيب اتفضل يا سيدى أدى تبرعاتنا أنا والسواق اى خدمة تأنى
_يا ريت تقولى للحاج الخواجة اللى قاعد معاكم في العربية دا يتبرع لنا بحاجة علشان نبنى الجامع
_الراجل إللى معانا في العربية دا
ايه ملحد ..
_يعنى ما ينفعش يتبرع لبناء جامع
_لا ينفع عادى جدا ..
_انت شايف كدا يعنى
_اه شايف كدا .. عندك مانع
_لا طبعا معنديش .. بس خلينى اجيبها له واحدة واحدة بطريقتى يعنى ..
_المهم يقب بالمصلحة
_يقب بالمصلحة .. مش كنت تقول كدا من الاول
_طيب حتخليه يدينى فلوس علشان نبنى الجامع
_فلوس ايه .. دا انت شكلك غلبان الراجل إللى معايا دا مليونير.. يعنى ممكن يديك فلوس ودولارات تبنى لك عشر جوامع حتة واحدة..
_طيب يلا قولى له يدينى فلوس
_طيب هو في مليونير بيشيل فلوسه ودولاراته في جيبه ويمشى بيها كدا عادى في الشارع
_اومال بيعمل ايه
_اكيد بيشيل كارت فيزا .. او حتى دفتر شيكات
_ طيب هو حيدينى الفلوس ازاى
_عندكوا ATM هنا
_ايه إللى بتقولى عليه دا
_المكنة إللى بتطلع فلوس دى
_لا مفيش .. يمكن في المركز في واحدة
_عارفاها دى إللى جنب قسم الشرطة تحب تيجى معانا لحد هناك ..
_ لا انا عاوز شيكات .. مش انتى بتقولى معاه شيكات
_مش دايما .. ساعات بينسى ياخد دفتر الشيكات معاه
_طيب والحل ايه دلوقت انا عاوز فلوس كتير علشان ابنى الجامع
_اول حاجة خلى العيال إللى معاك دول يشيلوا جزع النخلة من الطريق .. علشان الراجل ما يخافش منكم
_لا طبعا .. انتى عاوزة تهربى
_ يعنى افهمه ازاى إنكم مش حرامية ولا بلطجية لا سمح الله .. وانتوا قاطعين علينا الطريق بالشكل دا
_اه .. تصدقى عندك حق
_شفت بقي انى عاوزة مصلحتك
_تانى حاجة.. الراجل دا مهندس قد الدنيا في بلدهم
_يعنى ايه مش فاهم
_يعنى لازم يشوف الجامع بنفسه ويشوف اللى ناقص فيه وحيكلفه كام
_بس .. اصل الجامع مش هنا خالص
_انت مش كنت بتشاور لى من شوية على الجامع اللى هناك دا
_لا الجامع وراه بشوية كمان ..
_تاهت ولقيناها ..احنا ناخد الراجل ونستناكم هناك
_وانتى ايه مصلحتك في الحكاية دى
_مش كتير .. انا مش طماعة
_يعنى انتى معانا في المصلحة
_عيب عليك .. معاكم طبعا
_طيب استنينا هناك عند الجامع********
_يلا بينا ياعم سعيد
_بعتى الراجل يا دكتورة
_يا عم اتنيل.. راجل مين دا اللى بعته انت كمان انت مش شايف الراجل سكران ازاى
_راجل مين اللى سكران
_دا انت مش معانا خالص الاخ إللى بيلم تبرعات لبناء الجامع شكله سارق صندوق التبرعات .. هو وشوية البلطجية إللى معاه
_يا سنة سوخة
_نقطنى بسكاتك إللى يرضى عنك انا عاوزاك اول ما يشيلوا النخلة تمشى على سرعة السلحفاة اقل حاجة عندك .. فاهم
_ليه بس ..
_احسن يكون معاهم سلاح
_احنا نمشى بالراحة لحد ما نبعد وبعدها تفتح على الرابع .. فهمت
_واحد .. اتنين .. أجرى يا مجدى
_بس انا مش اسمى مجدى انا اسمى سعيد ..
_احنا نسيب البلطجية يخلصوا عليناعلشان نشوف اسمك مجدى ولا سعيدهى بتتقال كدا يا عم #وهربنا_منيهم_يا_عم_مجدى
#قلت_لك_انا_مش_اسمى_مجدى_انا_اسمى_سعيد
يتبع .........
تأليف
استاذة \ عزة لطفى
مرشدة سياحية و روائية