حكايات ديدى -3

 #حكايات_ديدي7

_ازيكم يا خواجات يا حلويين,,سمعت انكم عاوزين تروحوا ابوسمبل بس السعر بتاع الشركة غالي حبيتين

_يا ريت يا ديدي ,,  بس السعر فعلا غالي علينا

_الغالي يرخص لك يا جو يا حبيبي ,, ان مكنش علشانك يبقي علشان القمرايه مراتك _قصدك ايه يا ديدي ,, معقوله حتكلمي لنا الشركة تهز لنا السعر شوية 

_احنا مش حنهز لكم السعر مرة واحدة ,, دا احنا حنهزهولكم مرتين ,, مرة علشان عيونك ,, ومرة علشان الحلوة تريزا

_ميرسي اوووي يا ديدي ,, احنا مش عارفين نشكرك أزاي

 _تشكرني علي ايه بس يا جو يا حبيبي ,, بس انا ليا طلب واحد عندكم

 _اؤمري يا ديدي ,, طلب ايه??

_هو طلب صغنن خالص ,, بلاش تقولوا للشركة اننا حنروح ابوسمبل

_فهمت قصدك يا ديدي ,, احنا ولا حنشوف ابو سمبل ولا حتي امه_انا كمان حاشوف لكم سواق كويس وشاطر غير سواق الشركة ,, وعاوزاكم تجهزوا من النجمة

 _علم وينفذ يا ديدي

                          ,,,,,,,,, تاني يوم   ,,,,,,,,,,

_صباح الخير يا حاج اسماعيل_صباح النور يا ست ديدي يا كيداهم 

_هئ هئ انت كمان عرفت ياعم اسماعيل

_عرفت ايه يا ست الكل

 _عرفت اني كيداهم وكدا 

_اه طبعا عرفت يا ست الكل ,,وهل يخفي الكيد

_والنعمة انت راجل سكر  ,, وشكلنا حنبقي تيييم  المهم يا راجل يا عسلية انت ,, جبت لنا التصريح 

_يا مدام ,, تصريح ايه اللي حاطلعه الساعة 12 بالليل

_يا سنة سوداء ,, اومال حنروح ابو سمبل ازاي من غير تصريح

_ولا تحملي هم يا ست الكل ,, دا انتي معاكي عم اسماعيل الخطييير 

_حتعمل ايه يعني ,, فهمني علشان ابقي معاك في الصورة

_في مدق في الصحراء ,, حنمشي فيه لحد ما نعدي الحتة اللي فيها الكمين ,, وبعدها نكمل في طريقنا عادي _ربنا يسترها بقي ,, هو العالم ,, احنا ولا بننصب ولا بنسرق ولا بنخدع حد _ما بلاش البوقين دول يا مدام 

_انت بتقول ايه يا عم اسماعيل مش سامعاك

_باقول ربنا يسترها ويسامحنا وبس_الحقي يا مدام ديدي ,, في عربية بوليس بتجري ورانا  ,, دي فيها غرامة 5000 جنية وان مكنش فيها شهر حبس كمان

_يا سنتك الطين يا عم اسماعيل ,, طيب حنعمل ايه اقولك دوس بنزين بس اوعي تخليه يمسك

_بنزين ايه بس اللي حادوسه يا مدام يخرب بيت الافلام اللي بتسمعوها 

_باقولك طنشه يا عم اسماعيل ودوس بنزينطاااااااااااااااخ طاااااااااااااااخ طراااااااااخ

_ايه دا دي صوت قنابل ولا ايه ?

_قنابل ايه يا مدام وديتينا في داهية اللي يخرب بيتكدا البوليس بيضرب علينا نار ,, تقريبا فاكرنا خاطفين الزباين عاجبك كدا يا وش المصايب

#حكايات_ديدي8

_الووو ،، مستر حسام الحقنا 

_فيه ايه بس يا جووو فهمني ,, حصل ايه 

_احنا انضرب علينا نار يا مستر حسام

 _انضرب عليكم نار فين ,,  وازاي فهمني

 _دي قصة طويلة يا مستر حسام ,, المهم انك تنقذنا

_فين ديدي تبلغ الشرطة ,, ولا يد الارهاب الاثمة اغتالتها 

_ديدي هي اليد الاثمة

 _ديدي بتشتغل مع الارهاب 

_نوووووو ,, ديدي هي السبب 

_ديدي السبب ازاي هي اللي بلغت الارهابين عنكم

 _نووووو مش ارهابين خالص 

_مش ارهابين خالص ,, ايه عصابة بتخطف الخواجات

 _نووو مستر حسام ,,   دول عناصر من الشرطة هي اللي ضربت علينا نار

_ بالراحة علشان اركز معاك

 _ الشرطة ضربت علينا نار واحنا رايحين ابو سمبل

_رايحين ابو سمبل امتي ,,  وازاى   هو انتوا مش قلتوا ابوسمبل غاليه ومش حتطلعوها

_ديدي عملت لنا خصم كبير   وطلعنا معاها واحنا في الطريق البوليس قالنا ممنوع ابوسمبل    وضرب علينا نار

_يا سنتك السودا يا ديدي بتسرقي زباين الشركة 

_مش هو دا المهم مستر حسام ,, 

_اومال ايه هو المهم يا جوووو

_المهم أننا رجعنا اعصابنا بايظة من إللى حصل    بس ديدي عاوزة دلوقتي تقنعنا أننا نطلع بالون في الاقصر    واحنا مش عاوزين نموت علي ايد ديدي مستر حسام 

_وانا اعمل لك ايه يا حبيبي ,,   مش انت اللي عملت فيها ناصح وطلعت مع ديدي   من ورا ضهر الشركة 

_هو مين اللي عرفنا علي ديدي مش الشركة ,,   انا حابعت رسالة للسفارة حالا واحملكم مسؤلية سلامتنا الشخصية

 _وطلباتك دلوقت ايه يا خواجة جوووو

_ديدي تنزل حالا من علي الكروز ,,   وتشوف لنا مرشد ما فيش في حروف اسمه لا دال ولا ياء 

_ منك لله يا زفته الطين يا ديدى,, يا هباب البرك ,,   حتطفشي لنا الخواجات وتبوظي لنا علاقتنا مع السفارات 

_يعنى خلاص ديدى حتنزل من علي الكروز وحتشوف لنا مرشد محترم يكمل معانا الزيارات

_أنا أن كان عليا موافق طبعا ،، بس أنا خايف الصراحة أن رئيسي المباشر يرفض

_طيب ورئيسك المباشر حيرفض ايه بس بعد ما حكيت لك علي كل إللى عملته معانا

_ما حضرتك حبيت تستنصح برضه ،، وما تاخذنيش يا جووو يا أخويا   الزباين إللى زيك بتروح وتيجى ،، إنما ديدى ما فيش منها كتير  واهى فرصه نعلم بيها الزبائن إللى زيك أنه من غير الشركة حيخسر كتير

 يتبع ...........

تاليف 

استاذة \ عزة لطفى 

روائية ومرشدة سياحية 

T10T