المحلل - 23
المحلل .....23
خرج عصام من الاسانسير يبحث عن الشقة ،فوجد باب يفتح ببطء ،دخل الي الشقة ليجد شيماء في ابهي زينتها اذهلته .
_انت متأكدة أن مفيش حد هيجي دلوقتي .
_اطمن ،محمود مسافر اسبوعين كاملين ويمكن يتطول اكتر من كدا .رنت ضحكتها وهي تشغل الموسيقي لينغمسا في المتعة إلي اخر نفس ،ليصحو منها علي وجود محمود ممسك بالمسدس وبجانبه هنا تنظر إليه بتحد وإصرار .
_يا لهوي محمود ،لا استني اوي تتهور .
_مكانك يا فاجرة بلاش تتحركي علشان السلاح ميطولش.نظر عصام الي محمود وامتلكه الشلل والعجز فلم يستطع أن يتحرك من مكانه.
_دلوقتي انت هطلق هنا حالا ،وهتمضي علي الورقة دي .
_هنا انت طالق .وتمضي علي الاوراق التي اعطها له
_امسكي ،امضي علي الورقة دي .مضت شيماء علي الورقة بدون ولا كلمة .
_دلوقتي البسوا هدومك بهدوء كدا وبلاش أي حركة ودفعوا تمنها غالي اوي .لبس عصام ملابسه وكذلك شيماء وخرجوا من حجرة النوم ليجدوا الحاج احمد مع المأذون وعدد من الرجال أشبه بالبودي جارد .
_اتفضل يا مولانا ،مضيهم مضت شيماء بدون ولا كلمة وكذلك فعل عصام ،اعطي المأذون دفتر اخر لعصام ليمضي عليه فمضي وهو صامت، اقتربت شيماء لتمضي هي الأخري لكن محمود أوقفها ._هو انا مش همضي هنا.
_لا يا هانم ،انت لسه مطلقة بعد العدة وعليك خير .نظر إليه عصام ونظر في الدفتر ،اراد أن يسأل لكن خوفه من محمود جعله يصمت .
_الان الهانم هتلاقي تحت عربية توصلها لاي مكان هي عايزاه ،يلا بره .التفت محمود إلي عصام :وانت يا بيه مع السلامة واوعي اشوفك تقرب من هنا انت فاهم .خرج عصام ونزل السلالم جريا الي أن وصل إلي عربيته ليجري بها ليهرب من المكان .صرخت كوثر وهي تضرب ابنتها .
_انا مكنتش فاكرة انك غبية للدرجة دي ،انت تضيعي محمود علشان واحد زي عصام انت هبلة عبيطة ،انت معندكيش مخ اصلا
_ماما انا مش زيك هضيع عمري اجري ورا الفلوس ،اعيش مع واحد يقتل شبابي وجمالي علشان الفلوس ،هعمل ايه بالفلوس بعد ما ابقي عجوزة اعمل بوتكس وعمليات تجميل واجري ورا الشبان الاصغر مني .ضربتها كوثر بتلك الفائزة القريبة منها .
_,لا يا غبية تطلعي من المولد بلا حمص علشان واحد مالوش لازمه ،معاكي ومع غيرك حتي لو لقي كلبة بلدي هيمشي معها ،انت عارفة انت سيبني مين ،الفرخة اللي كانت هتبيض الدهب لنا ،غبية .ظل عصام لايام داخل البيت لا يخرج من بيته ،اندهشت سهام لحاله فهو علي غير طبيعته .
_عصام انت بخير .
_ايوة أيوة فيه ايه ؟!
_انت بقالك ايام ماخرجتش من البيت خالص ،فيه ايه ؟!
_مفيشتعبان شوية اقفلي الاوضة وتخرجي بره انا مش عايز اشوف حد .ارسل الحاج احمد الي سهام يطلبها وطلب منها إلا تعرف عصام بهذا اللقاء ،ذهبت سهام وهي تشعر أن هناك خطب ما .
_سهام اقعدي يا بنتي فيه موضوع مهم لازم احكي له .
_متعلق بهنا وعصام ،مش عايزة اعرف حاجة عنهم .
_لازم تعرفي الموضوع مهم انا هختصره علشان مندخلش في كلام مالوش لازمه ،شوفي من الاخر كدا هنا أطلقت من عصام من يومين .
_ماشي كدا خلاص .قامت سهام تريد أن تمشي
_لا لسه استني .
_استني ايه هنا حامل !!!
_لا مش هي .سمعت سهام الكلمة فأحست أن الكلام يتجه لاتجاه تخافه,فجلست ونظرت لعمها وأخذت كوب الماء من أمامها لتشربه لعلها تهدأ قليلا .
_اتفضل قول كل حاجة علي بعضها لو سمحت .
_عصام طلق هنا وهي خلاص خرجت من حياتك ،بس عصام اتجوز واحدة تانية ،الست دي حامل ._طلق واتجوز في نفس اليوم ،ازاي ؟
_مش مهم ازاي ،المهم انت عايزة ايه دلوقتي ،تحبي تتطلقي متقلقيش انا أقدر اطلقك غصب عنه ،اللي عايز أقوله لك عصام دا شخص غير مؤتمن وانا هقف جنبك .صمتت سهام قليلا ثم قامت :شكرا لعرضك يا عمو انا همشي دلوقتي عن اذنك .خرجت سهام قبل أن يلحق أن يتكلم معها الحاج احمد ليفهم ماذا تريد ،دخلت الحاجة .
_انت دبحتها يا حاج .
_كنت عايزها تفهم أن عصام دا ميستحقش واحدة زيها ولازم تسيبه وتبعد عنه._مش بالساهل تقدر تعمل كدا دا جوزها وابو اولادها وحب عمرها ،صعب يا حاج .
_تفتكري أنها ممكن تستمر معه ؟!
_ليه لا ممكن .
_ازاي ،هي تستحق واحد افضل منه بكتير .
_الستات مبتحسبهاش كدا .نظر إليها ،تري هل أخطأ كما تظن الحاجة ،كان يتخيل أنها ستطلب الطلاق كما فعلت هنا ،حقا عقول النساء لغز للرجال.
يتبع
#جيهان محمد