المحلل -10

لمحلل ........10

 افاق  عصام وهو مبسوط  ،حاسس أنه سلطان زمانه ،سهام كانت في أوجها معه ،هنا بدأت تميل ،الدنيا فاتحة ذراعيها له .يتقلب علي السرير ويتذكر الامس فيبتسم ،تصله تلك الرسالة  :اوبا بقا يا جمالوا يا جمالوا اه يا بنت الايه ؟!جامدة اوي .قامت هنا وتلك الابتسامة مازالت علي وجهها تنظر إلي  المرايا فتحس أنها الاجمل ،تضع قليل من المساحيق علي وجهها ،،ترسم عينها وهي تتذكر كل كلمة ارسلها لها عصام ،ما اجمل هذا الإحساس الذي يتسرب بداخلها ليزرع زهور وفرح ينير  دروب قلبها ويظهر الجمالعلي  وجهها ،اخيرا أحست بالحب كما  تفعل كل البنات ،تغرق في احلامها الوردية لتصحو علي صوت حركة في المطبخ ,خرجت لتجد سهام مازالت بملابسها الداخلية تتراقص وهي تحضر الفطار ،نظرت لها هنا وهي تحاول أن تتحكم في غضبها ،احست بها سهام فزادت في دلعها لتغيظيها .

_انت بتعملي ايه ؟!

_بحضر الفطار لحبيبي جوزي ياعيني نام من غير عشاء ،شكله هفتان ومش مستريح ،اصله مبيرتحش الا في سريره جنب مراته حبيبته .

_سهام هو احنا مش اتصافنا وقلنا هنعيش في سلام لازمتها ايه الحركات دي؟ علت سهام صوتها ليسمعها عصام 

_حركات ايه ؟!انا بعمل فطار لجوزي حبيبي ،ايه مضايقك انت

 _انت هنا ضيفة عليا والضيف يقعد بادبه فاهمة

 _تقصدي اني قليلة الادب ،بتشتميني وانا اللي بتعامل معاكي زي اختي تقومي تشتميني 

_سهام متختبريش صبري ،بلاش الحركات دي 

_برضة بتقول حركات ،انت علي فكرة قلبك اسود وظنانة

 _وانت خبيثة وكيداه وبتاعة شغل نسوان شمال 

_انا شمال يا لهوي فاض الكيل بهنا التي نظرت حولها فرات براد الشاي يغلي علي النار فما كان منها إلا امسكته واقتربت من سهام التي تسمرت في مكانها ولم تستطع حتي النطق ،هنا تقترب منها وهي تنظر لها نفس نظرات الحاجة لكوثر بالأمس .

_انا نسيت انا مقدمتش لك شاي الضيافة مدت يدها بالبراد وقبل أن تصب امسك عصام يدها .

_هنا اهدي يا ماما ،هو فيه ايه بيحصل هنا ؟!

_الست دي بتعمل ايه هنا مش خلاص الصبح طلع تأخد بعضها كدا وتمشي كفاية اللي حصل امبارح قدام اهلي 

._انا كنت بعمل لك فطار يا حبيبي .

_وانا كنت قلت لك تعملي ليا زفت انا مش عايز اطفح حاجة . 

_اهوه قالك مش عايز طفح من ايديك امشي بقا ،خلصينا ._لا مش ماشية دا بيت جوزي وهفضل فيه زي مانا عايزة رفعت هنا يدها بالبراد وابعدت عصام عن طريقها لتجري سهام وهي تصرخ  وورائها هنا ممسكة بالبراد وعصام ورائهم وكأنهم في كارتون توم وجيري ،ام يستطع أن يفعل  غير أنه امسك بمفتاح عربيته وفستان سهام الذي قذفه إليها ، التي لبسته بسرعة ونزلت علي السلم حافية ليركب العربية يوصلها الي بيت والدها وهو يكاد ينفجر .

_فيه ايه ؟!انت جاية من فين بالشكل دا يا هانم ؟!قالها والدها وهو مصعوق من شكلها وغيابها  عن البيت طول الليل 

_انا يا بابا ،انا ونظرت لعصام حتي يساعدها ولكنه عقد  ذراعيه أمام صدره ونظر إليها وكأنه ينتظر شرح لما فعلته .

_الولد كان تعبان  بليل وانا رحت لعصام علشان يتصرف .

_الولد يتعب وانت في البيت بليل تقومي تسبيني نايم في الاوضة جنبك وتخرجي لوحدك علشان عصام يتصرف ،دا انتي كنت في بيت جوزك وتتصلي بيا الحقني يا بابا الولد تعبان ،تعال معايا نروح للدكتور ،الحقني يا بابا ماسورة الحمام مكسورة هات السباك ،الفيشة بايظة الحقني يا بابا ولما تبقي في بيتي تخرجي  بليل لوحدك ،استغفر الله العظيم .ظل ابوها يضرب كف بكف وهو يستغفر ،ثم رفع رأسه ونظر إليها 

_هو فين الواد اللي تعبان دا ؟!فتحت سهام عينيها ونظرت بهبل الي أبيها 

._ يا بابا عبدالله .

_ايوة فين عبدالله اللي انتي نزلتي علشان تكشفي عليه ؟!لفت سهام حول نفسها بينما وقع عصام علي الأرض من كثرة الضحك ووالدها ينظر إليهما وهو لا يفهم ماذا يقول ؟!دخل عمر وعلي يديه عبدالله .

_حد ضايع منه عيل ،يا أهل البيت العيل دا يخصكم ،حد وقع طفل وهو نازل يصوت ويلبس علي السلالم ،اهلا يا هانم تعرفي الولد دا بصي كدا ركزي يا برنسيسة .خطفت سهام ابنها من يد اخوها وهي تقبله وتفتش فيه 

_عملت ايه الغبية دي،رمت عليك المية السخنة  ،رمتك في الشارع.عملت ايه في ابني ،والله انا هسجنها .

_تسجينها ليه يا برنسيسة ،خطفت ابنك ولا انت اللي نسيتي ابنك عندها وانت نازلة تجري والناس بتتفرج عليك ،انت المفروض تتسجني وفي العباسية كمان انت اتهبلتي يا بت ،وانت يا سبع البرمة ،فرحان بالستات حواليك هيقطعوا بعض .قام عصام واعتدل وأظهر الجدية :انا ذنبي ايه ؟اختك اتهبلت وشغالة في حركات هبلة ،جت امبارح عند هنا  واستهبلت ونامت هناك وفضلت تتحرش بها لحد كما كانت هترمي عليها ميه سخنة .صرخ والدها وهو يكاد ينفجر وعينه احمرت من كثرة الغضب.

_الموضوع خلص خلاص ،انت عرفتي تخرجي من بيتي من غير حتي ما تفكري تستأذني مني ولا كأني موجود يبقي خلصت ادخلي خدي  ولادك و روحي بيتك ،وشوفي حالك مع جوزك دي اخر مرة أتدخل فيك 

 _ بتقول ايه يا بابا ؟؟

_بقول كفاية لحد كدا يا سهام انا تعبت يا بنتي ومش قادر الاحق علي أفعالك ،انت اخترتي جوزك ودي حياتك عيشيها بقا واتحملي نتيجة أفعالك .عاد  عصام بعد أن أوصل سهام الي بيتها وتركها مع اولادها مصدومة مما فعله والدها معها ، ليجد هنا في قمة أناقتها والشموع والورد في كل مكان 

_هو فيه ايه ؟!

_ايه هو انا مش عروسة .

_طبعا احلي عروسة بصي سيبني  بس عشر دقائق ،ادخل اخد.شاور وأجهز كدا علشان ليلتنا تبقي عسل ماشي .

_ماشي .غمز لها وهو يرمي لها قبلة في الهواء لتخطفها وقلبها يكاد يرقص : الدنيا مش عايزة الطيب ،الدنيا عايزة اللي يكون قوي يبقي خالص هستقوي واخد حقي منك بالعافية ،مش انت عايزها حرب تبقي حرب يا سهام .

يتبع 

#المحلل 

#جيهان محمد