المحلل- 14
المحلل ........14
جهزت هنا الاكلات التي يحبها عصام ورتبت البيت ونثرت الزهور واوقدت الشموع ولبست اجمل ما لديها ،وظلت منتظرة أن يأتي ،مرت الدقائق وبعدها الساعات وتحولت فرحتها بمجيئة لغضب يزيد ويزيد مع مرور الوقت وانصهار الشموع ومعها أعصابها ،وحين اتي كانت في قمة غضبها لم تنتظر ليدخل حتي وبدأت تصرخ عليه وترمي الاطباق والأكل في كل مكان حتي الشموع رمتها عليه حتي كاد أن يحترق ،حاول عصام في البداية تفادي المقذوفات ومع احتراق ملابسه بادلها الشتائم وهو يطفئ النار ويخلع ملابسه ويجري ليمنع النيران أن تمتد لتأكل الشقة كلها وهي لا تري شئ مازالت مستمرة في ثورتها ،التي أشعلت نار غضبه ولم يعد يحتمل كل هذا الجنون ،وقف يلهث بعد أن أطفأ النيران وينظر إليها وهي مازلت مستمرة وكأنها عربية بدون فرامل اندفعت إليه تركل وتضرب وتخربش جسده ،رمها عصام بقوة وكان وصل إلي اخر صبره .
_انتي طالق . جلس عمر علي كرسي والده وكأنه يريد أن يحتمي بمكانه ،الوضع صعب عليه وعقله توقف عن التفكير ،لا يعرف اين هي الحقيقة واين الكذب ؟!،اقتربت سهام من أخيها وجلست علي ذراع كرسيه لتضم رأسه اليها وتلعب في شعره وكأنه صغيرها ،استجاب عمر لها ونام بين ذراعيها ليهدأ قليلا .
_كل حاجة هتكون بخير ،طمن بالك .
_انتي متأكدة ؟!قالها عمر وهو ينظر لعينها
_ايوة متأكدة مية في المية كمان .قالتها وهي تؤكد بنظرها مباشرة في عينيه .
_ليه متأكدة ؟!
_بابا هيكون بخير .
_ليه ؟؟؟
_اللي خطف بابا من المستشفي خطفه ليبعده عن ايد كوثر .
_انتي عرفتي من فين ؟!
_من حالة كوثر وثورتها وهدؤك واريحتك وانت بتدور علي بابا .نظرت في عينيه وهي تستجوبه :عندك حاجة ممكن تقولها لأختك حبيبتك ؟!هرب عمر من نظرتها التي تفضح ما بداخله
_عمر الدكتور اللي كان مع بابا ياسين صح
_صح
_كوثر سببت لبابا الجلطة علشان المناقصة صح
_مش عارف ،احتمال
_احتمال كبير نقول تسعة وتسعين في المئة .
_انت بتقولي كدا ليه
_ماشي يا عمر ظهور كوثر مع بداية تجهيز بابا للمناقصة اللي بيعتبرها صفقة العمر ،سحبها كل الفلوس من البنك علشان تمنعك تكمل المشروع وحاجات تانية مش وقتها .
_هي مراته وجت تأخد الفلوس خايفة نسرقها
_لا بابا مش متجوزها
_ليه يا شرلوك هولمز زمانك
_لو بابا متجوزها حقيقي كان زمانها جت المستشفي من اول يوم بابا تعب فيه ،هي جات بعد ما اتأكدت أن بابا دخل في الغيبوبة واطمأنت أنه مش هيكذبها ،دي مش نظرات واحدة بتحب أو حتي بتكره راجل دي واحدة قلقانة من أن بابا يفوق ،زائد أن كوثر داخله شراكه مع احمد العشري وأعتقد أن دا المنافس الرئيسي ضدكم ومش ممكن تكون زوجة فاروق وشريكة احمد العشري في آن واحد قام عمر وهو يمسك ذراع أخته :المعلومة دي عرفتيها من فين انت متأكدة ؟!
_اشمعنا المعلومة دي بالذات اللي وقفت عندها ،ايه ،يا تري علشان المعلومات اللي قبلها انت عارفها ،انت واخوك خفتوا علي بابا وانا لا .
_الموضوع مش كدا يا سهام ،الموضوع حصل بسرعة وغصب عني خبيت عليك انا اسف ._اتفضل احكي ليا كل حاجة
_لما رجعت من عندك لقيت بابا تعبان اوي ماكنش قادر يتكلم كل اللي قاله كوثر وكان ماسك دفتر الشيكات ،انا من الخوف والموقف كان كل ما يهمني اني انقذ بابا ،كلمت ياسين اللي رجع علي طول والحمد لله كوثر كانت نسيته خالص ،لما رجع راح علي المستشفي وكشف علي بابا وكان شاكك أن الجلطة مش طبيعية وبدأ يتابع كل حاجة لحد ما اكتشف أن فيه ممرض تبعها بيضع أدوية تفسد العلاج وكان الحل الوحيد قدامنا أننا نخطف بابا وننقله لمستشفي تانية لأسباب كتيرة مش عارفها كلها اخوكي يكلمك عنها ،هو الحمد لله بقي كويس ،المشكلة أن كوثر سحبت الفلوس كلها ومش عارف هكمل ازاي ؟!انا محتاج ملايين .
_تقصد هنكمل مع بعض ووضعت يدها في يده :قول لي اولا انت محتاج كام دلوقتي ،يعني مثلا في خلال الأسبوع دا انت محتاج كام وبعدين نفكر في الاسبوع القادم وهكذا نجزأ المشكلة ونتعامل معها .
_اهلا وسهلا
_مين ؟!هو مين جه ؟!قالتها وهي تنظر خلفها
_هههههههه سهام فاروق اختي الذكية القادرة علي تجاوز الأزمات رجعت لينا تاني ،اهلا وسهلا كنت فين وحشتيني .
_هو انا بعدت عنها اوي .
_بعدتي اوي اوي ،انتي توهتي مننا خالص ،اخيرا وناوية تعملي ايه يا استاذة
_انا مش هعمل انا عملت يا عمر بيه ،اولا سيادتك محتاج 300الف جنية في خلال الأسبوع دا ،والحمد لله اتوفروا النهاردة ،تحت امرك يا افندم اؤمر .
_لا استني ازاي عملتيها ؟!
_رحت الشركة وعملت اجتماع مع الاستاذ خالد وجمعت لنا شوية فلوس متأخرة ،جزء هنكمل باقي الشغل نسلمه ونستلم باقي مستحقاتنا وكمان لقيت حاجة متأكدة انك ناسيها ،شوف كدا وأعطته ورقة ،نظر إليها عمر طويلا .
_ممكن افهم دا هنعمل بيه ايه ؟!
_هقول لك يا استاذ ،ان الاوان أننا نسبق الست كوثر بخطوة ونعلم عليها .دخلت كوثر مكتب فاروق ومعها مجموعة من رجالها التي جندتهم في الشركة ، لتجد سهام تجلس علي كرسيه ._اهلا اهلا حبيبة قلبي ازيك يا سهام .ابتسمت سهام وهي تضع قلمها وتنظر لخالتها عبر نظارة القراءة
_اهلا اهلا خالتي العزيزة زيارة غريبة شوية ،لا شويتين بتعملي ايه هنا يا خالتوا _جايه اشوف شغل جوزي .
_جوزك هو انتي يا خالتو متجوزة مين بالظبط اصلي اتلخبط فكريني كدا اقتربت كوثر من سهام :انااااا مرات أبوكي فاروق اقتربت سهام من اذنها :ولما انت مرات ابويا ،بتعملي ايه هنا ؟!
_جايه اشوف شغل جوزي .
_بس دا شغل عمو الحاج احمد مش شغل فاروق ابويا ،انت مرات مين فيهم ؟!_انت بتقولي ايه ؟!_الشركة ملك للحاج احمد واحنا هنا بنشتغل عنده،والفلوس اللي سحبتيها من حساب الشركة لو ما رجعتش هسجنك يا خالتو
_مش فاهمة .
قامت سهام من الكرسي وذهبت الي جانب المكتب لتسكب مج من القهوة واقتربت من كوثر _نقول تاني الشركة ملك للحاج احمد هو اشتراها من سنة من بابا والحساب اللي سحبتيه دا ملك للحاج مش لبابا ولو مرجعش انا هسجنك ،اه نسيت انا اسفة يا خالتو اتفضلي وسكبت القهوة علي كوثر لتصرخ كوثر ،لتقترب منها سهام وهي تمسح ملابسهاوهي تشد شعرها لتخرج الباروكة في يديها وامسكت بمنديل يحمل شحما اسود وبدأت تغطيها به وكوثر تصرخ تحاول أن تتخلص منها والرجال حولها ينظرون ولا يعرفون ماذا يفعلون ؟!لم تكن كوثر تشغلهم فهم خانوا الرجل الذي استأمنهم علي ماله ،كانوا يظنون أنهم سيحصلون علي مكافأة جزاء خيانتهم أما الآن كوثر ليس لها مكان في الشركة وكشف أمرهم ،تستنجد بهم وهم يبتعدون عنها ،حاولوا الهروب ليجدوا الحاج احمد وعمر وبعض من الموظفين يلتفون حولهم .ظل الحاج احمد وعمر يضحكون علي منظر كوثر والرجال وخوفهم من جنون سهام ،نظر الحاج الي الحاجة
_خلاص كدا يا حاجة بقي رسمي واجب الضيافة لكوثر هو رمي الشاي والقهوة عليها حرام عليكي سلختوا الولية ،ليه الحقد دا كله الواحد يخاف منكم
_دا كان لازم علشان تنصدم وتخاف وتعمل اللي انا عايزاه وبس وكمان هي تستاهل اكتر من كدا ،هي لسه شافت حاجة مني .
_حرام عليكي يا بنتي والله صعبت عليا .
_ميصعبش عليك غالي يا حاج ،نعم ،سمعني تاني كدا
_اصلك مشفتش سهام عملت ايه فيها يا طنط ،دي شالت الباروكة ورمت عليها القهوة وكمان مسحت الشحم علي جسمها كلها وايه الشحم ريحته نتنه جدا .
_شاطرة يا بت ومغرقتيهاش في المجاري كمان ليه ؟تستاهل الحرق
_لا ماهي حرقت قلبها يا حاجة .
_ازاي ؟!
_الاستاذة سهام دعبست في أوراق الشركة لقيت عقد البيع اللي بابا عمله لعمي احمد ايام القرض وكان لسه ساري المفعول فهي استخدمته وساعة ما جات كوثر علشان تستولي علي الشركة لقت أنها مش بتاعة بابا يبقي ازاي باع لها نصفها ،كان منظر وشها يستاهل صورة ._المهم انتوا هتعملوا ايه مع الموظفين اللي خانوكم .
_لازم ينطردوا فورا ،الخاين مالوش مكان بينا .
_الاهم من كل اللي عملته أننا قدرنا نأخد منها شوية فلوس نقدر نكمل بهم المشروع .
_بس تفتكري أنها هتسكت .
_لا طبعا قالتها الحاجة وسهام في نفس الوقت واكملت الحاجة :لازم تفهم أن كوثر دي حرباية عمرها ما هتسكت الا لما توصل للي هي عايزها خلوا بالكم منها .
_ربنا يستر ،ايه يا حاجة مش هناكل ولا ايه ؟!تركت الحاجة وسهام المجلس ليدخلوا المطبخ ._عاملة ايه مع عصام يا بنتي .
_معرفش عنه حاجة ،بقاله اسبوع مكلمنيش ولا شفته .
_ازاي اومال هو فين ؟!
_اكيد عند العروسة
_هو انت معرفتيش _معرفتش ايه ؟!
_عصام وهنا اتخانقوا خناقة كبيرة اوي وطلقها .كانت سهام تقطع السلطة وعندما سمعت هذا توقفت ورفعت راسها
_امتي حصل الكلام دا ؟!
_من يجي اربع خمس ايام كدا
_وبعدين
_خرج عصام متعصب وفضلت هنا تعيط وتصرخ وقفلت علي نفسها ،بالعافية بترد عليا . وقفت سهام وخرجت لتضع الاكل علي السفرة
_يلا يا جماعة الاكل جاهز ظلت هنا تبكي وتنظر في الموبيل تنتظر عصام يكلمها ،همست من داخلها :انتي متخيلة بعد كل اللي عملتيه هيرجع تاني ؟!ردت علي نفسها :وميرجعش تاني ليه ؟؛دي اول طلقة وانا كنت زعلانة منه كان المفروض يصالحني ردت :يا سلام انت فاكرة نفسك مين ؟!فوقي يا هنا عصام مش زي محمود .
_تقصدي ايه ؟!
_محمود كان ممكن يرد ويضربك ويرجع يتكلم تاني ،لكن عصام طلقك علي طول ،ماكنتش متخيلة أنه يقدر يعملها ابدا .
عادت لتمسك الموبيل لتكتب رسالة "عصام انا اسفة مقصدتش ازعلك ،ارجوك رد عليا " انتظرت ليرد ولكنه راي الرسالة ولم يرد ،عادت لتكتب له "عصام انا بحبك اوي اوي "ظلت ترسل الكثير من الرسائل مرة تعتذر واخري كلمات حب وعشق حتي نامت .أفاقت هنا لتجد باقة ورد بجانبها بحثت عن عصام لتجده يعد الفطار لتحتضنه .
_انت مجنونة بس بحبك .
يتبع .............
دكتورة جيهان محمد
#جيهان محمد